شاه ختایی
شاهلار شاهي؛
قيزيلباش‌لار باشي؛
شاه اسماعيل ختايي صفوي؛
شانينا!
ييغدي قيزيلباشلاريني باشينا
چاتميش ايدي تازه اون‌اوچ ياشينا
بويدا اوجا، اوزده گؤزه‌ل، گؤزده خوش
آي کي دئييل، گون دولانير باشينا
قلبي ايشيق، کؤنلو اوجاق قورآن´ا
کیم کی گؤرور سجده ائدیر قاشينا
باشلادي «گيلان»لا «تاريم»دان گليب
«اردبيل»ـه، آغلادي قارداشينا
اردبيل اوغلو، صفي‌الدين بويو
قويدو باشين شيخ صفي‌نين داشينا
آندي بير آن «حئيدر» آتاسين دئدي:
اؤج آلارام! آند ايچيره‌م آشينا!
آلدي قيلينجين اله حئيدر کيمي
ييغدي قيزيلباشلاريني باشينا!
...
بو قوشوغون لاتینجایا کؤچورولموشونو سایین مئهران باهاری جنابلارینا مینتدارام!
Şah Xətayi
Şahlar şahı;
Qızılbaşlar baş;
Şah İsmayıl Xətayi-i Səfəvi;
Şanına!
Yığdı Qızılbaşlarını başına
Çatmış idi tazə onüç yaşına
Boyda uca, üzdə gözəl, gözdə xoş
Ay ki deyil, gün dolanır başına
Qəlbi ışıq ,könlü ocaq Quran'a
Kim ki görür səcdə edir qaşına
Başladı Gilan'la Tarım'dan gəlib
Ərdəbil'ə ağladı qardaşına
Ərdəbioğlu, Səfiyəddin boyu
Qoydu başın Şıx Səfi'nin daşına
Andı bir an Heydər atasın, dedi
Öc alaram, and içirəm aşına
Aldı qılıncın ələ Heydər kimi
Yığdı Qızılbaşlarını başına!
...