اوزاقلاردا بیر یول وار

بو شعر اؤنجه‌دن ایم‌لر سیته‌سینده‌ده گئتمیشدی. بورادا دا سئویملی اوخوجولارا تقدیم اولور.

«اوچ قيزلار»

تورپاق يولون قيراغيندا

اسين اسير؛

‌قايالارين دوداغيندا

ساري سونبول ساچلاريني

يئل اوخشايير.

سس‌سميرسيز

اوزاقلاردا دوروب باخان

«اوچ‌قيزلار»ين

ساچي داشدان

گؤزو داشدان

هؤرولموش‌کن

يولا باخير.

گؤي گَوَن‌لر

سوت تيکان‌لار

زوو زولالار

زهرين داديب باخان قيزلار

«اؤرتولو دوز» اورتاسيندا دوران قيزلار

اوچ اولدوزلار

اوزاقلارا ـ ياخينلارا

باخا باخا

اوتانجدان قوروموشلار![1]

1386 ـ یای

چاراویماق / ایستی سو یولوندا

Üç qızlar

Torpaq yolun qırağında

Əsin əsir

Qayaların dodağında

Sarı sünbül saçlarını

Yel oxşayır

Səs – səmirsiz

Uzaqlarda

Durub baxan

Üçqızlar"ın

Saçı daşdan

Gözü daşdan

Hörülmüşkən

Yola baxır.

Göy gəvənlər

Süt tikanlar

Zuu zolalar

Zəhrin dadıb baxan qızlar

Örtülü düz ortasında duran qızlar

Üç ulduzlar

Uzaqlara – yaxınlara

Baxa – baxa

Utancdan

Qurumuşlar!

2007 - yay

Çaroymaq - İsti su yolunda