قواناقلیغا چاغیریلمادان

آنسیزین گلدیلر

و بیر اوروجلوق آخشامی

 بوتون قوناقلاری آپاردیلار!

ـ تروری...!؟!

ـ یوخ،‌ یوخ!... ائلئگانس حضرتلری!...

...آنجاق قوناقلار

قاچماق بیله ایسته‌مه‌میشلر

یوخسا بؤیله‌جه توختاق

بؤیله‌جه قولای آپاریلمازدیلار

اونلار قورخماز اوغلو قورخمازدیلار

اونلارین سوچو یالنیز اؤزلوک‌لرینی سئومک‌دیر

اونلار

دوستاقلاری قورخویا سالان

قادینلی ـ کیشیلی

قورد اوره‌کلی آسلانلاردیلار!

اونلار

بیر اینسان کیمی یاشاماق ایسته‌ین

کیچیکلی ـ بؤیوکلو

حاقلاری اوسته دیره‌نن ستارخانلاردیلار!

اونلار

قوردلار...!

قارانقوش‌لاردیلار...!

اونلار

هله ده واردیلار ...

هله ده دوستاقدیلار...!

87.07.05